Категорија: Германија 16.04.2014 10:10
Фудбалерот од средниот ред минатата сезона беше еден од најдобрите играчи на Борусија Дортмунд па го привлече вниманието на неколку клубови.
Илкај Гундоган се најде на листата со желби на Реал Мадрид, Барселона и Манчестер Јунајтед, но во последно време нивниот интерес се олади бидејќи играчот поради повреда на грбот е надвор од стројот од август.
’Милионерите’ не сакаа да слушнат за продажба на репрезентативецот на Германија, и минатиот месец му понудија нов договор.
Тој го прифати предлегот и вчера стави потпис на договор со трајност до 30. јуни 2016.
„Илкај Гундоган ја продолжи верноста кон Борусија Дортмунд до 30. јуни 2016” – гласеше соопштението на тимот од Сигнал Идуна Парк.
Самиот фудбалер рече: „Благодарен сум на клубот што ми даде прилика да продолжам да бидам дел од овој специјален тим и ова извонредно окружување”.
„Ќе го дадам максимумот за што поскоро да им помогнам на моите соиграчи”.
За очекување е новиот договор да им стави крај на шпекулациите за иднинага на 23 годишниот Илкај Гундоган.