По победата против Борусија Дортмунд во првото коло од Лигата на Шампионите, Наполи вечерва се среќава со вториот конкурент за 1/8 финалето.
Тимот на Рафа Бенитез му гостува на Арсенал, па Шпанецот е свесен дека неговите фудбалери се пред сериозен тест.
„Ове е спротивно на првиот натпревар, сега треба да ја контролираме еуфоријата, ќе играме против силен тим и мора да покажеме карактер, сила и почит за тимот кој е на врвот во својата лига и игра многу добро" - вели Бенитез.
„Очекував Арсенал да биде силен, бидејќи мислам дека Венгер е еден од најдобрите менаџери во Премиер лигата и потпишаа со големи играчи, тоа е добро за нив".
„Кажав и претходно, Венгер е голем менаџер и голема личност. Ја знае лигата во Англија и Европа, мислам дека врши одлична работа и се надевам дека еден ден повторно ќе ја освои Премиер лигата".
„Јас секогаш се фокусирам од натпревар за натпревар. Сега мојот приоритет е Лигата на Шампионите, а во недела тоа ќе биде Серија А. Во моментов имаме доволно силен состав да се бориме во двете натпреварувања".