Барса синоќа доживеа незгоден пораз на Сан Сиро, Каталонците загубија од Милан со 2-0 во натпревар во кој не успеаа да создадат ниту една посериозна шанса кон голот на Абиати.
Но, Роура очекува многу поразличен натпревар на Камп Ноу, верува во квалитетите на своите фудбалери и смета дека можат да изборат пласман меѓу осумте најдобри во Лигата на Шампионите.
„Имаме верба во нашиот тим, ќе играме и на домашен терен" - вели Роура.
„Во реваншот приказната ќе биде поинаква. Веруваме дека можеме да го свртиме резултатот".
„Не одигравме најдобар натпревар, но мислам дека резултатот е превисок, не е реален".
„Тие имаа две шанси за гол и ги реализираа, тоа ќе ни ја направи работата тешка, но можеме да победиме".