Во пресрет на вечерашната пресметка помеѓу Милан и Барселона на Сан Сиро, лидерите на двата клуба ја продолжија добрата традиција и попладнево беа на ручек во Џанино ресторанот.

По средбата, потпретседателот на ’Росоњерите’, Адриано Галијани упати пофални зборови на адреса на Барселона, и истакна дека ’Каталонците’ се фаворити во овој двомеч.

„Очекувам одличен натпревар, добар спектакл” – рече Галијани.

„Ќе играме против најдобриот тим во светот. Погледнете го нивниот среден ред, тоа е оној среден ред што на Шпанија и донесе триумф на СП и ЕП”.

„Тие исто така го имаат и Лео Меси, кој според мене е најдобриот фудбалер на сите времиња“.

„Не сакам да давам прогнози, не можам да гледам во иднината, но имаме верба”.

„Барса е фаворит, но фаворитете не победуваат секогаш. Не сакам да бидам ниту оптимист ниту песимист”.