Македонската фудбалска репрезентација напредуваше за 21 позиција на последната ранг листа на ФИФА.
Големата победа над селекцијата на Србија се одрази и на пласманот на нашата селекција која по подолго време бележи голем скок и сега е на 83. место.
На врвот на табелата и понатаму е Шпанија, втора е Германија, во топ десет се и селекциите на Аргентина, Португалија, Италија, Англија, Холандија, Колумбија, Русија и Хрватска.
Од нашите соседи најдобра е Грција на 12. место, Бугарија со скок од 15 позиции се најде на 40. место, две места подоле е Србија со пад од 9 позиции, Албанија е 67. со скок од 17 места.
Нашиот следен противник со кој ќе одиграме пријателски натпревар, Словенија, се наоѓа на 49. позиција на табелата.
