Категорија: Лига на Шампиони 06.11.2012 14:31
Изминатиов викенд, ПСЖ го доживеа првиот пораз во првенството на Франција, ’Светците’ пред своите фанови загубија во дуелот со Сент Етјен.
Пред ПСЖ сега е дуелот со Динамо Загреб во Лигата на Шампионите, Карло Анчелоти очекува реакција од неговиот тим и победа над шампионот на Хрватска.
„Во пресрет на дуелот со Сент Етјен, екипата играше со интензитет” – рече Анчелоти на прес конференцијата.
„Мислам дека поразот беше само еден лош ден, и токму тоа треба да го покажеме на дуелот со Динамо Загреб”.
„Кога градите тим, не можете секогаш да бидете перфектни, и понекогаш ќе се појавуваат проблеми”.
„Но една работа е сигурна, очекувам добра реакција против Динамо Загреб”.
За денешниот противник, Италијанецот рече: „Динамо ги помина квалификациите и заслужува да игра во Лигата на Шампионите, па имаме почит кон нив”.
„До овој момент тие немаат постигнато гол во групната фаза, и се надевам дека тоа ќе остане така и по нашиот дуел”.
„Целта на ПСЖ е да се пласира во следната фаза. Имаме шанси за првото место во групата, па ќе видиме како ќе стојат работите по ова коло”.
Запрашан за перформансите на неговиот тим, Анчелоти одговори: „Мислам дека не играме фантастичен фудбал, но имавме неколку натпревари на кои покажавме солидни перформанси.
„Потребно е да продолжиме да бележиме прогрес и да бидеме конзистентни”.
„Забележавме добри резултати и покрај тоа што не играме на врвно ниво”.