Категорија: Италија 21.06.2012 19:29
Лидерите на двата клуба оваа недела имаа средба по која сите медиуми од Италија објавија дека Себастиан Џовинко се враќа во Јувентус.
Ваквата зделка во еден момент беше потврдена и од Парма, но подоцна тимот од Енио Тардини истакна дека тоа било грешка и се извини за настанатото недоразбирања.
Но трансферот сега официјално е потврден, откако Јувентус попладнево соопшти дека Себастиан Џовинко следната сезона одново ќе го носи дресот на ’Бјанконерите’.
“Јувентус може да соопшти дека ко-сопственоста на Себастиан Џовинко ја реши во своја корист. За купување на преостанатите 50% од сопственоста, Јувентус на Парма ќе и исплати 11 милиони евра во следните три фудбалски сезони.” – гласеше соопштението на ’Старата Дама’.
“Договорот на фудбалерот е со трајност до 30. јуни 2015.”
Италијанскиот репрезентативец имаше две одлични сезони во дресот на Парма, па го привлече вниманието на неколку клубови, помеѓу кои и Интер.
Но Јувентус не дозволи популарната ’Атомска Мравка’ да се пресели во редовите на нивните лути ривали.