Категорија: Шпанија 27.04.2012 12:35
Медиумите од Шпанија уште вчера започнаа да пишуваат дека Пеп Гвардиола нема да го продолжи договорот, а стратегот денеска истото им го соопштил на фудбалерите.
Пред почетокот на утринскиот тренинг, Пеп одржа средба со тимот која траеше околу еден час, и на играчите им ја пренел одлуката да замине од кормилото по крајот на сезоната.
Барселона на својата веб страна потврди дека стратегот во придружба на претседателот, Сандро Росел и техничкиот директор, Андони Зубизарета ќе се појави на прес конференција во 13:30, и се очекува тогаш официјално да биде соопштено дека Пеп Гвардиола заминува од Камп Ноу.