Категорија: Франција 13.01.2012 18:26
Александре Пато вчера соопшти дека останува во Милан и покрај тоа што напаѓачот имаше понуда од ПСЖ за преселба во Париз.
Тренерот на ПСЖ, Карло Анчелоти не очекува Бразилецот да се предомисли, и вели дека тие сега ќе се обидат да ангажираат друг топ фудбалер.
“Пато нема да пристигне.” – рече стратегот на денешната прес-конференција. “Имавме договор со Милан, но Пато реши да остане на Сан Сиро.”
“Не треба да објаснувам зошто тој не дојде, одлуката е на фудбалерот, ја почитувам и мораме да ја прифатиме.”
“Мислам дека повеќе нема надеж дека тој ќе се пресели во ПСЖ, се е готово.”
“Ние продолжуваме со потрагата на нов напаѓач, и има доста време до крајот на трансфер периодот.”
“Сакаме да ангажираме топ фудбалери со цел да го подобриме тимот, и мислам дека ќе успееме во тоа.”
Медиумите од Франција денеска пишуваа дека ПСЖ сега се насочува кон уште еден Бразилец, Леандро Дамиао од Интернационал.