Категорија: Англија 12.02.2016 20:09
„Топџиите“ 20 години по ред завршуваат пред големиот локален ривал на табелата, но оваа година Тотенхем би можел да стави крај на традиција.
Избраниците на Маурисио Покетино имаат одлична сезона и во моментов се на втората позиција со ист број бодови како и Арсенал.
Тјери Анери има само пофални зборови за Тотенхем, и вели дека „Спарси“ можат до титулата.
„На Тотенхем му оди одлично” – вели Французинот. „Тие се добра екипа”.
„Не верував дека ќе го кажам ова, ама тие можат до титулата и заслужуваат почит”.
„Претходно им недостасуваше стабилност и конзистентност, и конечно Даниел Леви покажа трпение со менаџерот. Маурисо Покетино е правиот човек”.
„Имаат многу млади играчи, кои не играат само споредни улоги, току се фактор во тимот”.
„Имаат одличен голгетр во Хари Кејн, за асистенции е задолжен Крисијан Ериксен, а и Деле Али е одличен”.
„Плус, тие имаат и квалитетен голман, што е многу важно”.
„Покетино е добар тренер и ги натера сите во клубот да веруваат дека можат до титулата. И да, мислам дека можат да бидат шампиони”.