Иако Мурињо сеуште не е официјално назначен за нов менаџер на Манчестер јунајтед, речиси никој не се сомнева дека тоа ќе се случи.

Пеп Гвардиола и Жозе Мурињо ќе работат во ист град од следната сезона. Гвардиола ќе ја води сината половина на Манчестер, Мурињо црвената.

Нивните меѓусебни дуели ќе бидат супер интересни, а првиот можеби ќе го имаат уште пред да почне сезоната.

На 29. или 30. јули во Пекинг постои голема можност да се сретнат во пријателски меч.

Манчестер Сити е обврзан дел од летните подготовки да помине во Кина, а Манчестер јунајтед е во преговори кои се веќе во завршна фаза.

Кинезите нудат големи пари за да се одигра пријателскиот натпревар меѓу Сити и Јунајтед. Но веројатно за тоа свое мислење треба да дадат и Гвариола и Мурињо.