Јувентус ќе мора без својот столб во одбраната да го одигра дербито за Скудетото против Наполи, како и првиот дуел со Баерн Минхен во осмина-финалето од Лигата на Шампионите.

Репрезентативецот на Италија во неделата, на дуелот со Фросиноне го повреди листот на десната нога.

Откако врз Џорџо Киелини денеска беа извршени серија тестови, Јувентус попладнево соопшти дека дефанзивецот ќе паузира околу 20 дена.