Меси: Роналдо заслужува да биде меѓу тројцата најдобри, но сакав таму да биде Суарез
Помеѓу финалистите за Златната Топка немаше место за Луис Суарез, Меси вели посакувал покрај него на сцената да бидат Суарез и Нејмар, но не може да каже дека Роналдо не го заслужува местото меѓу тројцата најдобри.
ФИФА синоќа ги објави тројцата финалисти за Златната Топка, Меси, Нејмар и Роналдо ќе конкурираат за престижната награда.
Луис Суарез игра фантастична сезона, но нема место за Уругваецот помеѓу најдобрите.
„Среќен сум што уште еднаш сум номиниран меѓу најдобрите тројца. Среќен сум што заедно со мене е и Нејмар" - вели Меси.
„Сакав на подиумот да бидам со Нејмар и Суарез. Суарез заслужува да биде меѓу тројцата најдобри, но и Кристијано Роналдо исто така заслужува".
