Категорија: Англија 20.08.2015 11:19
Николас Отаменди е нов фудбалер на Манчестер Сити, дефанзивецот утрово стави потпис на пет годишен договор.
„Манчестер Сити е задоволен што може да соопшти дека го ангажираше Николас Отаменди” – гласи известувањето на ’Граѓаните’
За трансферот на Етихад Стадионот, 27 годишниот Аргентинец вели: „Тука сум да го дадам најдоброто од себе, да се борам на секој натпревар, да помогнам клубот постојано да биде на врвот и да освојам неколку титули”.
„Да се биде дел од клуб, кој од надвор изгледа толку прекрасно, е остварување на сонот”.
Детали од зделката не се откриваат, а според медиумите, Манчестер Сити ќе плати 45 милиони евра за услугите на Николас Отаменди.