Репрезентативецот на Шпанија беше исклучен поради навреди на адреса на првиот помошник, а главниот судија, Веласко Карбаљо во извештајот напишал дека Жерард Пике употребил пцовки, односно кажал: „Да и се посерам на твојата курвинска мајка”.

Дефанзивецот на Барселона негираше дека ги употребил вулгарни зборови, и се извини за сопственото однесување.

Целиот случај денеска беше разгледан од дисциплинската комисија при ФФШ, која реши да го казни Жерард Пике со четири натпревар суспензија.

Ова е минимална казна за дефанзивецот со оглед на тоа дека според членот 94, на Жерард Пике му се закануваше суспензија од 4 па дури до 12 натпревари.

Жерард Пике сега ќе ги пропушти дуелите со Атлетик Билбао, Малага, Атлетико Мадрид и Леванте во Ла Лига.