Најавите се остваруваат, Радамел Фалкао идната сезона ќе го носи дресот на Челзи, клубот денеска го потврди трансферот.
„Челзи со задоволство може да соопшти де е постигнат договор со Монако за едно годишна позајмица на Радамел Фалкао" - стои во соопштението на Челзи.
Колумбискиот фудбалер е среќен поради трансферот и верува во успешна сезона.
„Многу сум среќен што доаѓам во Челзи, не можам да дочекам да започнам со тренинзите и да му помогнам на тимот да ја одбрани титулата во Премиерлигата и да биде успешен во Европа" - вели Фалкао.
Фалкао своите најдобри партии ги имаше во дресот на Атлетико Мадрид, авантурата во Манчестер јунајтед ми беше крајно неуспешна, а лошата форма ја пренесе и во дресот на Колумбија на Копа Америка.
Останува да видиме дали Жозе Мурињо ќе успее да го врати стариот Фалкао на фудбалската сцена.