Интерпол и ФИФА во мај 2011 година склучиле десет годишен договор кој се фокусира на голобална обука, едукација и превенција за местење натпревари како и нерегуларно и илегално обложување.
„Поради настаните кои ја опкружуваат ФИФА, одлучивме да го суспендираме договорот со нив, но ќе продолжиме со нашата програма за Интегритет во Спортот" - изјави генералниот секретар на Интерпол, Јурген Сток.
„Сите надворешни партнери, дали јавни или приватни, мора да ги делат основните вредности и принципи на организацијата".
ФИФА ја тресе голем корупциски скандал, високи членови на организацијата се обвинети за рекетирање и корупција. Скандалот во медиумите се појави со апсењата во Цирих на 27. мај, а истрагата сеуште не е завршена.