Челзи во недела му гостува на Арсенал кој во моментов е на втората позиција со десет бода заостанување зад тимот на Мурињо.
Јасно е дека Челзи ќе биде новиот шампион во Англија, но Фабрегас сака тоа да се случи колку што е можно побрзо.
„Сакаме да ја освоиме титулата колку што е можно порано. Сакаме да им дадеме задоволство на фановите. Тие чекаат пет години на трофејот од Премиерлигата, јас чекам 27 години, па сакам да го освојам колку што е можно порано" - вели Фабрегас.
„Сега му гостуваме на Арсенал, имаме ист број натпревари и десет поени предност, не сакаме да му дадеме надеж на Арсенал да изврши притисок врз нас. Знаеме дека Емирати е тешко гостување".
