Најчесто фудбалерите кои ќе постигнат гол против својот поранешен клуб, не ги прославуваат погодоците поради почит кон тимот за кој претходно играле. Но тоа синоќа не беше случај и со Давид Луиз.
„Мојот циклус во Челзи заврши. ПСЖ ми даде одлична можност да ја продолжам кариерата. Бев многу среќен во Челзи. Ги почитувам сите" - изјави Давид Луиз.
„Пред натпреварот си реков дека доколку постигнам гол, нема да славам, но не можев да ги контролирам емоциите".
„Му благодарам на Челзи и жалам што прославив, имав премногу емоции во мене".
„Среќен сум поради пласманот во следната рунда, ова е голем ден за ПСЖ и за градот Париз, но долг е патот во Лигата на шампионите, треба да останеме на земја".