Изминатите два дена навивачите на Феенорд направија огромни нереди во главниот град на Италија.

Кршеа излози, оштетија споменици и се судрија со полицијата.

Градоначалникот на Рим остро го осуди дивеењето на хулиганите од Холандија, а истото го стори и Премиерот на Италија, кој побара казна за ваквото однесување.

На оваа тема денеска се огласи и УЕФА, европската куќа на фудбалот вели дека рацете и се врзани бидејќи инцидентите се случиле надвор од стадионот, па тие нема да можат да го казнат Феенорд.

„УЕФА ги осудува инцидентите и насилството што се случи во Рим” – вели портпаролот на европската куќа на фудбалот.

„Сепак, бидејќи инцидентите се случија надвор од стадионот, УЕФА не може да реагира”.

„Локалните власти треба да покренат истрага”.