Шампионот на Шпанија загуби на гостувањето кај Олимпијакос во првото коло, па трите бода од средбата со Јуентус се од голема важност за Атлетико Мадрид.

„Овој дуел е како финале” – рече Диего Симеоне на прес конференцијата. „Исто како што ќе биде и оној против Валенсија и следниот натпревар против Еспањол”.

„Јувентус секогаш бил силен тим и не е лесно да се пронајдат слабости во нивната игра. Имаат опасен напад и квалитетен среден ред”.

„Ќе треба да одиграме на високо ниво”.

Карлос Тевез е во одлична голгетерска форма и Диего Симеоне е свесен за опасноста што ја носи неговиот сонародник.

„Добро го познаваТевез, тој е извонреден фудбалер” – вели тренерот на Атлетико.

„Колку поблиску игра до голот, толку е поопасен. Тешко е да го контролирате”.

„За да го спречиме ќе треба постојано да му вршиме притисок, да не му дозволиме да мисли, да не му дозволиме да ја има топката”.