Категорија: Шпанија 09.12.2011 10:48
Утрово, Кралскиот клуб на својата веб страна соопшти дека првиот асистент, Аитор Каранка, а не Жозе Мурињо, ќе се појави пред медиумите на редовната средба со новинарите во пресрет на утрешниот мега дуел помеѓу Реал Мадрид и Барселона на Сантијаго Бернабеу.
Прес-конференцијата ќе се одржи околу 13:30 по утринскиот тренинг, кој Реал ќе го одработи зад затворени врати.
Реал Мадрид не објаснува зошто ’Специјалниот’ ќе молчи во пресрет на ’Ел Класико’, но Аитор Каранка и претходно во голем број наврати го заменувал Жозе Мурињо на прес-конференциите.
Мурињо реагираше слично и минатата сезона, кога одби да разговара со медиумите во пресрет на второто ’Ел Класико’ кое се играше во април месец.
Португалецот се појави на прес-конференцијата, но сите прашања тогаш ги одговори Аитор Каранка.