Категорија: Лига на Шампиони 06.12.2011 13:22
Во сабота Барселона гостува на Сантијаго Бернабеу во долго очекуваното ’Ел Класико’.
Реал Мадрид е на врвот на табелата со три бода предност во однос на Барса и натпревар помалку.
Евентуален пораз ќе ги стави Каталонците во многу непријатна ситуација, па на вчерашната прес-конференција, во пресрет на дуелот со БАТЕ Борисов во Лигата на Шампионите, Пеп се обиде да не му придодава важност на ’Ел Класико’.
“Многу поважно од ’Ел Класико’ е на средбата помеѓу (Ангела) Меркел и (Никола) Саркози на 9. декември да се спаси Еврото.” – рече Гвардиола.
“Ова е важно оваа недела, не дерби дуелот.”
“Ќе се фокусирам на Раел Мадрид по дуелот со БАТЕ. Барса и Реал добро се познаваат, нема тајни помеѓу нас.”
“Без разлика каков ќе биде исходот од натпреварот, до крајот на првенството има уште многу натпревари.”
“Што и да се случи, ние мораме да продолжиме со напорната работа.”
Со оглед на тоа дека Барселона веќе го има обезбедено првото место во Групата Х, Пеп Гвардиола ќе настапи со младинци и втор тим на средбата со БАТЕ.
“Ќе настапам со најдобриот состав што ќе ми биде на располагање, и нашата намера е да победиме.”
“Знам кои фудбалери ќе истрчаат на теренот. Сакам тие да покажат храброст и да не играат под притисок. Сакам да го покажат својот талент без да се плашат.”
“Едноставно треба да играат и да уживаат.”