По две години поминати во втората лига, Келн вчера обезбеди враќање во елитата со победата од 3-1 над Бохум.

Прославата по крајот на натпреварот беше спектакуларна, на теренот се симнаа огромен број на фанови, а неизбежно беше и традициналното ’бањање’ со пиво.

На трибините беше и напаѓачот на Арсенал, Лукас Подолски, кој во два наврати го носеше дресот на Келн.

На својот Instragram тој објави слика од прославата и напиша: „Многу сум среќен за мојот поранешен клуб... честитки ФК Келн за враќањето во првата лига”.

Напаѓачот на Арсенал, кој во неделата постигна два погодоци на гостувањето кај Хал и помогна неговиот тим да стигне до победа од 3-0, потоа објави и видео од атмосферата на стадионот.