Атлетико Мадрид синоќа ја надигра Барселона и сосема заслужено ја елиминираше во 1/4 финалето од Лигата на Шампионите.
Главната ѕвезда на Барса, Лео Меси утринава се најде на мета на шпанските медиуми за неговиот настап.
Според официјалната статистика, Меси истрчал само 6,8км на синоќешниот натпревар, што е за 1,5км повеќе од голманот Пинто кој има 5,3км.
Коке од Атлетико Мадрид истрчал речиси двојно повеќе од Меси, 12,28км, најголема километража од фудбалерите на Барса поминал Чави (11,82), потоа се Жорди Алба (11,52), Дани Алвеш (10,82), Бускетс (10,75), Бартра (10,64).