Категорија: Германија 09.04.2014 12:28
Тимот од Сигнал Идуна Парк е во потрага на нов голгетер како замена за Роберт Левандовски, кој по крајот на сезоната ќе се пресели во Баерн Минхен.
Голем број на фудбалери се поврзуваа со Борусија Дортмунд, а вицешампионот на Германија денеска соопшти дека е договорен трансферот на Адриан Рамос од Херта.
28 годишниот напаѓач има добра сезона зад себе, со 16 погодоци е трет стрелец во Бундеслигата.
Детали од зделката не се обелоденуваат, Борусија Дортмунд само соопшти дека играчот ќе стави потпис на четири годишен договор и ќе пристигне на Сигнал Идуна Парк на 1. јули.
„Адриан Рамос е одличен фудбалер и еден од најдобрите голгетери во Германија” – вели спортскиот директор на ’Милионерите’, Михаел Цорк.
„Перфектно се вклопува во нашите барања”.