Борусија Дортмунд беше на чекор до сензација, имаше водство од 2-0 по првото полувреме и неколку фантастични можности да го шокира Реал Мадрид до крајот на натпреварот.
На крајот Кралевите се радуваа на полуфинале, а Јирген Клоп е горд на своите играчи за прикажаното на теренот.
„Кога се поздравив со нашиот повреден играч Невен Суботиќ по натпреварот, тој ми кажа колку е горд што е дел од овој тим и токму така се чувствувам и јас" - вели Јирген Клоп.
„Едноставно можете да го извадите видеото од овој натпревар и да им го покажувате на сите тимови кои имаат негатива од 3-0 по прв натпревар".
„Моите фудбалери сакаа да играат во полуфинале, не можевме тоа да го покажеме во Мадрид, но тука го покажавме 100%. Бевме многу подобар тим и требаше да постигнеме повеќе голови, но поради нашите фантастични перформанси нема да посочувам виновници овој пат".
„Ова беше навистина посебна ноќ".