Битола конечно ќе добие стадион каков што заслужува, во присуство на голем број граѓани, спортисти, навивачи и претставници на спортски клубови, се одржа презентација на проектот за изградба на новиот стадион.
Новиот фудбалски стадион во Битола ќе биде изграден според меѓународни стандарди, според критериумите на ФИФА и УЕФА тој ќе биде класифициран во стадион од втора категорија на кој ќе може да игра и македонската фудбалска репрезентација.
„Направивме повеќе анкети и истражувања и дојдовме до констатацијата дека оптималната варијанта за Битола е 12 000 гледачи – стадион којшто ќе се постави на 4 трибини. На стадионот ќе бидат изградени три нови трибини и ќе се реконструира сегашата јужна трибина" - изјави градоначалникот на Битола, Владимир Талески.
„Ќе изградиме фудбалски стадион кој Битола од Хераклеја до денес никогаш го немала. На 1 јуни целиот проект ќе го добиеме во општина Битола, по што ќе започне следната фаза на реализација на фудбалскиот стадион под Тумбе кафе".
„Најголемата инвестиција и содржини се поврзани со северната трибина која чини околу 50% од целиот проект, односно 4,5 милиони евра, додека вредноста на целиот стадион е околу 8 милиони евра. За изградба на новиот стадион планираме да отвориме и посебна донаторска жиро сметка затоа што очекуваме поддршка од стопанствениците но и од македонците во странство".
*Преземено од сајтот на Општина Битола