Баерн Минхен во голем стил стигна до финалето од Лигата на Шампионите, Баварците имаат импресивна сезона која кулминираше со вкупна победа од 7-0 над Барселона.
Баварците се надеваат дека круна на сезоната ќе биде трофејот од Лигата на Шампионите.
За кратко време ова е трето финале на Баерн Минхен во најелитното натпреварување, Рибери верува дека сега е моментот за освојување на големиот трофеј.
„Бев импресиониран од тоа како Борусија Дортмунд го елиминираше Реал Мадрид во полуфиналето, но ние мислиме само на себе. Посилни сме од нив" - вели Рибери.
„Доколку сите сме подготвени и дадеме 100% ќе бидеме сигурни победници. Многу добро ја познаваме Борусија Дортмунд".
„Не знам дали некогаш повторно ќе бидеме во финале од Лигата на Шампионите, па затоа сакаме да дадеме се од себе и да го кренеме трофејот".
