Трапатони верува во чуда
Селекторот на Република Ирска, Џовани Трапатони верува дека тие можат да го повторат чудото кое го направи Грција во 2004 година и да го освојат Европското првенство во Полска и Украина.
Категорија: Евро 2012 |
16/11/2011 10:54 |
Прочитано: 1759 пати
По пауза од цели 24 години Република Ирска се пласира на Европско Првенство откако во бараж натпреварот против Естонија победи со вкупни 5-1.
Џовани Трапатони е горд на своите фудбалери и верува во добар настап на првенството во Полска и Украина.
"Сигурен сум дека на Европското првенство 2012 ќе отидеме со голема верба во нашата игра" - изјави Трапатони по синоќешниот натпревар.
"Имаме самодоверба и добар менталитет. Треба да покажеме исто така дека можеме да играме добро против поголеми противници".
"Која е нашата цел на турнирот? Никогаш не вели никогаш. Тоа го велам јас. Имаме добри опции во тимот".
Запрашан дали Република Ирска може да го направи она што го направи Грција во 2004 и да го шокира светот со титула, Трапатони изјави:
"Зошто да не? Тоа не е сон. Потребна ни е 100% посветеност, но зошто да не".
"Знам што значи пласманот на ЕП за оваа земја. Многу сум горд на фудбалерите и нашите навивачи. Знам колку Ирците го посакуваа ова и среќен сум што им го остваривме сонот".
"Имавме многу тешка група и се квалификувавме, па многу сум задоволен".
"Фудбалерите веруваа во нашиот систем и формацијата и успеавме, ја остваривме целта".
