Се натпреваруваа екипи од три средни училишта: гимназијата Никола Карев, СГГУ Здравко Цветковски и СМУГС Д-р Панче Караѓозов. 

 

Пред самиот крај на натпреварот од победничките екипи (машки и женски) беа формирани мешовити групи по пол и етничка припадност, кои го одиграа финалниот меч. 

 

Првата детска амбасада во светот – Меѓаши од април 2011. започна со спроведување Програма за мировно образование со цел промовирање на мирот и ненасилството како основни вредности на кои треба да им се посвети поголемо внимание.

 

Мировното образование се темели на потребата од превенција на насилството и превенција на можни нови судири. 

 

На полето на превенцијата не се преземаат доволно активности во училиштата и тоа е една од причинините што младите од различни етнички групи се оптоварени со предрасуди, а тоа често завршува со конфликтни ситуации, тепачки, навредувања...а некои за жал со уште потешки последици.

 

Спортот и спортските активности претставуваат една од можностите за надминување и на предрасудите и стереотипите меѓу младите и токму затоа, тие се неделив сегмент од програмата за Мировно образование.