Фудбалерот од средниот ред на Болтон продолжува да се опоравува откако изминатиот викенд доживеа срцев удар на средбата против Тотенхем во ФА Купот.

Муамба од саботата е на интензивна нега, и вчера беше соопштено дека фудбалерот забележува знаци на подобрување.

Во понеделникот медицинските лица пренесоа дека состојбата на Муамба останува сериозна, но повеќе не е критична бидејќи младинскиот репрезентативец на Англија започнал да дише без помош на апарати, а разговарал и на Француски и Англиски.

Болтон со соопштение на својата веб страна попладнево обезбеди нови детали за состојбата на Муамба.

Фудбалерот имал комфорна ноќ на оделот за интензивна нега во London Chest Hospital, а медицинскиот персонал постојано го следи неговиот прогрес.

Семејстовото на Муамба се заблагодари за огромната поддршка што ја добиваат, а исто така побараа фудбалерот во иднина да биде посетуван само од членови на неговото блиско семејство како и луѓето од фудбалскиот клуб Болтон.

Во меѓувреме, менаџерот на Болтон, Овен Којл откри дека тој одржал краток разговор со Муамба.

“Имавме разговор и разменивме неколку зборови, но тоа ќе остане помеѓу нас.” – рече Којл.

“Тоа е добар знак, но морам да нагласам дека ова е сеуште рана фаза во процесот. ”

“Пред Фабрис е долг пат, но ова се охрабрувачки знаци.”