Базел и Марсеј ја искористија предноста на домашен терен
Со голови во финишот од натпреварите, Базел го победи Баерн, Марсеј славеше против Интер во првите 1/8 финални натпревари од Лигата на Шампионите.
Категорија: Лига на Шампиони |
22/02/2012 23:03 |
Прочитано: 672 пати
Марсеј ја доби првата 1/8 финална пресметка со Интер, со гол во финишот дојдоа до минимална победа од 1-0.
Интер ја продолжува мизерната форма, фудбалерите на Клаудио Раниери со наведната глава го напуштија и Велодром.
Клучниот погодок се случи во 93. минута кога по изведен корнер на Валбуена, Ајев со глава ја смести топката во мрежата на Жулио Цезар.
Во Базел, Баерн Минхен влезе како фаворит, но домаќините се радуваа на триумф.
Баварците и во Лигата на Шампионите ја пренесоа променливата форма од домашното првенство.
Откако во групната фаза го елиминираше Манчестер Јунајтед, Базел уште еднаш потврди дека може да се надигрува со фаворитите.
И на овој натпревар долго се чекаше за погодок, на четири минути пред крајот по асистенција од Зоуа, Стокер го совлда Нојер за значаен триумф на Базел.
Победи без примен гол за домаќините, Интер и Баерн ќе имаат тешка задача во реваншот за пласман помеѓу осумте најдобри во Лигата на Шампионите.
