Баварците играат во слаба форма на стартот од 2012, особено на гостувањата, па дозволија Борусија Дортмунд да креира четири бода предност на врвот во Бундеслигата.

Пред Баерн Минхен сега е гостувањето кај Базел во првиот натпревар од осмина-финалето во најелитното Европско натпреварување.

“Доаѓаме во Базел со голем оптимизам.“ – рече Хајнкес. “Знаеме дека ќе биде тешко, противниците секогаш го подигнуваат нивото на игра кога се среќаваат со Баерн.“

 “Потребно е да ги повториме перформансите што ги прикажувавме во групната фаза, во која забележавме добри резултати.“

“Не случајно Базел се најде во осмина-финалето, па не смееме да го потцениме противникот.“

“Пред стартот на групната фаза, можеби сите мислеа дека Базел ќе финишира на третата позиција во групата, но тие се надминаа себеси, и со одлчно однесување и добар фудбал го испратија Манчестер Јунајтед во Лига Европа.“

“Тоа треба да биде предупредување за нас.“