Џон Тери во моментов е со тимот на Челзи во Неапол и Андре Вилаш Боаш се надеваше дека дефанзивецот ќе се опорави на време и ќе настапи на вечерашниот дуел со Наполи во осмина-финалето од Лигата на Шампиони.

Иако англискиот репрезентативец вчера го одработи тренингот на Челзи, според пишувањата на медиумите, утрово се разбудил со голема болка во коленото.

Извештаите велат дека лекарскиот тим на Челзи одлучил Тери да замине на операција, која најверојатно ќе биде извршена во четврток.

Се говори дека капитенот на ’Сините’ ќе паузира најмалку еден месец, иако постојат и попесимистички прогнози според кои фудбалерот ќе биде надвор од стројот дури 8 недели.