Венгер: Ова беше нашата најлоша ноќ во Европа
Арсен Венгер не може да го сокрие разочарувањето од дебаклот на Сан Сиро, Французинот вели дека тоа била најлошата ноќ во Европа за неговиот тим.
Категорија: Лига на Шампиони |
16/02/2012 09:11 |
Прочитано: 1842 пати
Арсенал доживеа големо разочарување во Милано, загуби со убедливи 4-0 и може да се каже дека во 1/8 финалето ќе ја заврши сезоната во Лигата на Шампионите.
Венгер вели дека тоа биле ужасни перформанси од неговиот тим и најлоша ноќ во Европа за Арсенал.
"Ова беше шокантен резултат и шокантни перформанси од наша страна. Ноќ која никогаш не може да се заборави, наша најлоша ноќ во Европа" - изјави Венгер по натпреварот.
"Влегувавме од грешка во грешка и бевме казнети за тоа, заслужено".
"Никогаш не влеговме во натпреварот. Бевме многу лоши и офанзивно и дефанзивно. Ниту во еден момент во 90. минути не влеговме вистински во натпреварот".
"Тешко е сега да се анализира. Подобро е да не зборуваме премногу, да анализираме со ладна глава и да регрупираме".
"Да бидеме реални. Не играме во некој свет на соништа. Можеби имаме 2% или 5% шанси статистички, но реално испаднавме".
