Синоќа Милан со 4-0 го прегази Арсенал на Сан Сиро во првата дерби 1/8 финална пресметка од Лигата на Шампионите.

 

Убедлива победа, триумф за мирен реванш на Емирати и пласман во 1/4 финалето.

 

Но, Масимо Алегри вели дека тие можеле да слават уште поубедливо, тој сакал да види уште голови во мрежата на Арсенал.

 

"Вечерва имавме премногу шанси, особено по 4-0, можевме да победиме 6-0" - вели Алегри.

 

"Се надевав дека ќе можеме да славиме и поубедливо, бидејќи имавме шанси за тоа. Резултатот е добар, но ќе беше подобро доколку постигневме уште неколку гола и дефинитивно го визиравме пласманот во 1/4 финалето. Сега потребен ни е гол во Лондон за да бидеме мирни".

 

"Тимот одигра речиси перфектно, го нападнавме нашиот противник уште од стартот на сите делови од теренот".

 

"Во поглед на концентрацијата, ја имавме во текот на целиот натпревар и тимот покажа вистински дух на пожртвуваност за победа".

 

"Мора секогаш да играме вака во Европа и Италија, па ќе можеме да го освоиме секој трофеј".

 

Алегри има пофалби за Робињо, тренерот смета дека тој ја пронаоѓа најдобрата форма.

 

"Робињо е важен фудбалер и го докажал тоа во минатото. Оваа сезона ја започна без многу тренинг, но сега ја наоѓа потребната форма".