Красиќ е подготвен да остане во Јуве
Српскиот интернационалец, Милош Красиќ веројатно ќе остане во Јувентус до крајот на сезоната.
Категорија: Италија |
27/01/2012 12:42 |
Прочитано: 692 пати
Милош Красиќ го загуби местото во Јувентус па се поврзува со заминување од клубот во јануарскиот преоден рок.
Тој се поврзува со бројни клубови, но неговиот агент вели дека најреална е опцијата тој да остане во Јувентус до крајот на сезоната.
"Вистината е дека фудбалерот сеуште не донел дефинитивна одлука за својата иднина. Како што стојат сега работите, тој сака да остане во Јувентус" - вели неговиот агент Дејан Јоксимовиќ за calciomercato.com.
"Имаме понуди од англиски и турски клубови, но ниту една од нив не задоволува. Има уште пет дена до крајот на преодниот рок па ќе видиме дали ќе се случи нешто до 31. јануари".
"Исто така ќе почекаме да видиме и дали ќе дојде понуда од Русија бидејќи нивниот преоден рок завршува за еден месец".
Медиумите пишуваа дека Лацио се обидува да го донесе Красиќ во своите редови, но агентот ги демантира ваквите стории.
"Нема ништо со ниту еден италијански клуб. Во моментов фудбалерот преферира да остане во Јувентус".
