Самба очајно посакува да го напушти Блекбурн
Централниот дефанзивец на Блекбурн, Крис Самба побара да го напушти клубот од Ивуд Парк.
Категорија: Англија |
27/01/2012 08:49 |
Прочитано: 1024 пати
Тотенхем и Квинс Парк Ренџерс се интересираат за Крис Самба кој се проценува на 7 милиони фунти.
Фудбалерот на почетокот од јануари достави барање за трансфер и сега уште еднаш ја потврдува својата намера да замине.
Сопственикот на Блекбурн, и менаџерот на клубот најавија дека Самба не е на продажба, но тој е очаен да си замине.
"Кога на некој пар не му оди, тие се разведуваат, таква е ситуацијата помеѓу мене и Блекбурн" - изјави Самба за Sun.
"На Блекбурн му се потребни фудбалери кои се посветени 100% на клубот, јас не сум таков".
"Единствен начин да го решим овој проблем е да ме пуштат да заминам. За мене ќе биде многу тешко да играм повторно за овој клуб".
"Тука сум на крајот на патот. И тоа нема да се промени, за нивно и мое добро, тие мора да ме продадат сега".
