Контроверзниот Италијанец се најде на тапет кај фудбалските власти откако со пета го удри Скот Паркер во глава на дуелот помеѓу Манчестер Сити и Тотенхем во неделата.

За време на натпреварот судијата Хауард Веб не го забележа инцидентот, но подоцна откако беа прегледани видео доказите, Фудбалската Асоцијација на Англија го обвини Балотели за насилно однесување.

Манчестер Сити реши да не поднесе жалба, па напаѓачот доби четири натпревари суспензија, која почна да ја одработува уште на вчерашниот реванш дуел со Ливерпул во полу-финалето на Карлинг Купот.

Во интервју за The Independent ’Супер Марио’ вели дека не е насилен фудбалер, и додава дека ја прифатил казната само поради тоа што не можел да докаже дека е невин.

“Не сум гад, ниту пак насилен фудбалер.”

“Ја прифатив казната бдиејќи не можев да докажам дека сум невин. Не се обидов да го удрам Скот Паркер.”