Официјално: КПР го комплетираше трансферот на Онуоха
Квинс Парк Ренџерс го комплетираа трансферот на Недум Онуоха од Манчестер Сити, тој потпиша четири ипол годишен договор.
Категорија: Англија |
26/01/2012 12:48 |
Прочитано: 942 пати
Не запираат активностите на КПР во зимскиот преоден рок, ангажиран е дефанзивецот Недум Онуоха од Манчестер Сити.
Новиот менаџер на тимот, Марк Хјуз е задоволен што ќе го има Онуоха во својот тим.
"Недум е фудбалер кој добро го познавам" - изјави Хјуз за официјалната страна на КПР.
"Тој играше многу добро за мене во Манчестер Сити и одигра бројни натпревари, веројатно повеќе од под водство на било кој друг менаџер".
"Онуоха е разновиден фудбалер. Може да игра како централен дефанзивец, но и како десен бек, има добра брзина. Тој е многу добро засилување за составот".
КПР кој уште е активен на пазарот, претходно успеа да го донесе Таје Таиво од Милан кој пристигна на позајмица со можност да биде целосно откупен по крајот на сезоната.
