Шалке демантира интерес за Гути
Спортскиот директор на Шалке, Хорст Хелд ги негира гласините кои го поврзуваат клубот со ангажман на поранешниот фудбалер на Реал Мадрид, Гути.
Категорија: Германија |
24/01/2012 12:54 |
Прочитано: 525 пати
35-годишниот Гути е слободен фудбалер откако неговиот договор со Бешикташ беше раскинат во ноември.
Мадридскиот весник AS излезе со шпекулација дека Гути преговара со Шалке за трансфер во овој германски клуб.
Сепак спортскиот директор на Шалке ги демантира ваквите написи.
"Не е точно, нема ништо од тоа" - изјави Хорст Хелд за германската телевизија Sport1.
"Гути беше одличен фудбалер, но никогаш не сме се интересирале за него".
Сторијата на АЅ се базираше и на фактот дека Раул кој ги брани боите на Шалке, 15 години играше заедно со Гути во дресот на Реал Мадрид.
"Само затоа што АЅ решиле да напишат некое ѓубре, не значи дека е вистина".
