19 годишниот германски репрезентативец игра во извонредна форма, и е цел на голем број клубови ширум Европа.

Од таборот на Борусија Дортмунд веќе најавија дека Марио Гетце и следната сезона ќе настапува на Сигнал Идуна Парк, а самиот фудбалер сега ја отвара вратата за продолжување на договорот кој истекува во 2014.

“Можам да замислам како ставам потпис на нов договор.” – рече Геце. “Секогаш сум велел дека тука се чувствувам комфорно. Тоа се нема променето.”

“Тука е моето семејство и моите пријатели. Борусија Дортмунд, со овој тренер и овој тим, е едноставно извонреден клуб.”

’Милионерите’ веќе го ангажираа првото засилување за следната сезона, а тоа е одличниот Марко Ројс од Борусија Менхенгладбах.

“Ова е добра зделка, добиваме извонреден фудбалер.” – продолжи Геце.

“Го познавам од националниот тим. Одлично се разви во дресот на Менхенгладбах, и со нетрпение чекам да играм покрај него.”