Категорија: Англија 28.02.2016 20:29
Ливерпул и Манчестер Сити одиграа одлично финале со повеќе шанси кое се решаваше по пеналите.
Манчестер Сити се радува на трофејот, голманот Кабалеро е херојот во пенал серијата.
Резултатот беше отворен по четири минути игра во вториот дел кога Фернандињо го совлада Миноле за водство од 1-0.
Сити имаше шанси и за поголема предност, но откако не ги реализираше казната стигна преку Кутињо во 83. минута кој изедначи на 1-1.
Тоа беше резултатот по 90 минути па натпреварот отиде во продолженија каде и двете екипи имаа свои шанси, но мрежите не се затресоа па пеналите го решаваа победникот.
Пенал серијата почна добро за Ливерпул, Емре Чан погоди, а Фернандињо не успеа. Но потоа голманот Кабалеро одбрани три пенали на Ливерпул, на Леива, Кутињо и Лалана, на спротивната страна погодија Навас, Агуеро и Јаја Туре за победа на Манчестер Сити.
Јирген Клоп не успеа да дојде до првиот трофеј во Англија, Пелегрини се чини дека го освојува последниот со Манчестер Сити.