Категорија: Англија 14.02.2016 17:07
Фантастичен ден за Ливерпул, победа од неверојатни 6-0 на гостувањето кај Астон Вила.
Натпреварот го отвори Даниел Стариџ во16. минута, кој се најде во стартниот тим и ја искористи таквата позиција по долго време повторно да постигне гол.
Седум минути подоцна Милнер зголеми на 2-0, а серијата погодоци продолжи во вториот дел во кој во листата на стрелци се запишаа и Чан, Ориги, Клајн и Коло Туре.
Со овој пораз се чини дека на Астон Вила и нема спас од испаѓање во Чемпионшип. Има само 16 бода, осум помалку од местата кои обезбедуваат опстанок.