Во второто полувреме од дерби пресметката на Велодром во неделата, Давид Луиз се пожали на ситна повреда и мораше да му биде укажана лекарска помош.

И покрај тоа што Бразилецот му покажуваше на Лоран Блан дека се е во ред со него, тренерот реши во игра да го вметне Маркињос.

Но потоа настана комична ситуација, Давид Луиз одби да го напушти теренот а судијата откако почека 30 секунди даде знак играта да продолжи.

Па Лоран Блан беше принуден вчера да свика кризен состанок, и стратегот сега вели дека се надминати недоразбирањата.

„Разговарав со Давид” – вели Блан. „Беше важно да разјасниме одредени работи”.

„Задоволен сум од она што беше кажано на состанокот. Беше важно за него, за мене, и за целиот тим”.