Категорија: Македонија 09.02.2016 13:39
Последнопласираната екипа на Металург се засили со тројца нови играчи од кои изненадувачки, двајца се странци.
Алжирецот родум од Франција, Закарија Нимани, е дваесетгодишен одбранбен играч кој својата фудбалска кариера ја минувал по француските нисколигаши.
Србинот со интересно име, Аладин Ѓаковац, е 24-годишен играч од средниот ред кој доаѓа од екипата на Динамо од Врање. Претходно играл за Јошаница, Слога Краљево и босанските Фамос, Сарајево и Напредак, додека кариерата ја почнал во родниот Нови Пазар.
И за крај, домашниот фудбалер е всушност Џелил Асани, поранешно крило на кичевските ривали Напредок и Влазрими од каде што е и самиот играч. Изминатава полусезона Асани настапуваше во Албанија за тимот на Билис каде одигра само 9 лигашки натпревари.