Категорија: Германија 09.02.2016 13:35
Пеп Гвардиола има многу пофални зборови за својот главен напаѓач, Роберт Левандовски.
„Не сум сретнал поголем професионалец од него” – рече Шпанецот на денешната пресконференција.
„Се грижи за себе 24 часа во денот. Правилно се храни, спие и тренира. Секогаш е на располагање, никогаш не е повреден бидејќи се фокусира на овие работи”.
„Знае што е важно, и физички и ментално, за да биде во најдобра форма”.
Роберт Левандовски редовно ги тресе противничките мрежи оваа сезона, но Полјакот се мачеше на почетокот од својата кариера во Минхен.
„Јас и тогаш бев многу, многу задоволен од него. Уште од првиот момент знаев за што е способен”.