Категорија: Англија 08.02.2016 09:34
Медиумите од „Островото“ подолго време говорат дека Арсенал се обидува да го ангажира ’мозокот’ на Лестер, Бен Вриглсворт кој им помогна на „Лисиците“ да ги откријат играчите како Ријад Марез и Н’Голо Канте.
Во пресрет на големиот дуел помеѓу двата клуба на Емирати, Бен Вриглсворт сега потврди дека во иднина ќе работи за „Топчиите“.
„По три ипол незаборавни сезони, и работа со извонредни луѓе, сега започнувам ново поглавје” – напша Вриглсворт на Твитер.
„Одлуката за напуштање на Лестер беше тешка, но морав да ја прифатам шансата која не се укажува често”.
„На Лестер му посакувам голем успех во иднина и вечно ќе му бидам благодарен”.
На Емирати Стадионот, Бен Вриглсворт ќе биде главен видео скаут.