Категорија: Англија 01.02.2016 20:26
Гвардиола кој доминираше со Барселона во Шпанија и Европа, но како тренер на Баерн Минхен немаше сериозна конкуренција во Бундеслигата, ќе се проба во Англија, можеби досега најтешкиот предизвик за него. Манчестер Сити денеска го потврди неговото име и стави крај на сите дилеми околу иднината на Пеп.
Силни се гласините дека во црвената половина на Манчестер главен ќе биде Жозе Мурињо, тоа значи и обновување на ривалството помеѓу Португалецот и Гвардиола.
Ливерпул со Јирген Клоп би требало да биде многу поконкурентен следната сезона откако германскиот стратег ќе добие летен преоден рок и полни подготовки со тимот.
Арсен Венгер ќе треба дополнително да го засили Арсенал и да ја направи уште поинтересна борбата со своите тренерски ривали.
Непознаница е кој ќе биде на клупата на Челси, се шпекулира со повеќе имиња, Диего Симеоне, Антонио Конте, Масимо Алегри... но сеуште нема кандидат кој јасно се одвојува од другите.
Како и да е, факт е дека големите тренерски битки ќе ја направат Премиерлигата уште попривлечна за гледање, почетокот на идната сезона со нетрпение ќе се чека.